iPhone 8 Plus နဲ့ Samsung Galaxy Note 8 နှိုင်းယှဉ်ချက်

ဒီတစ်ပတ်မှာ တင်ဆက်ပေးမယ့် အကြောင်းအရာကတော့ ကမ္ဘာကျော် Smart Phone Brand တွေဖြစ်တဲ့ Apple နဲ့ Samsung တို့ရဲ့ နှိုင်းယှဉ်ချက်ဖြစ်ပါတယ်။ နှိုင်းယှဉ်ပြပေးမယ့် Phone Model တွေကတော့ iPhone 8 Plus နဲ့ Samsung Galaxy Note 8 တို့ ဖြစ်ပါတယ်။

ပထမဆုံး ဖုန်း ၂ လုံး ကို အကြမ်းမျဉ်းသုံးသပ်ရရင် iPhone 8 Plus မှာ Processor ကို Hexa Core သုံးထားပြီး Galaxy Note 8 မှာတော့ Octa Core အသုံးပြုထားပါတယ်။ Screen Size မှာတော့ Galaxy Note 8 က ပိုကြီးပါတယ်။ 6.3 inches ဖြစ်ပြီး iPhone 8 Plus ကတော့ 5.5 inches ဖြစ်ပါတယ်။ 5.5 inches ကတော့ အရမ်းသေးတာတော့မဟုတ်ပါဘူး။ ကျစ်ကျစ်လစ်လစ်နဲ့ ကိုင်လို့ကောင်းတဲ့ အနေအထားတစ်ခု ဖြစ်ပါတယ်။

Processor
iPhone 8 Plus မှာ Apple ရဲ့ A11 Bionic Chipset ကိုသုံးထားပြီး Galaxy Note 8 မှာတော့ Samsung ရဲ့ Exynos 9 Octa 8895 ကို သုံးထားပါတယ်။ Processor က iPhone 8 Plus မှာ Hexa Core ဖြစ်ပြီး 2.53 GHz ထိ support ပေးပါတယ်။ Galaxy Note 8 မှာတော့ Octa Core ဖြစ်ပြီး 2.3 GHz ထိ ရရှိပါတယ်။ Processor ကတော့ အရမ်းကြီးမကွာခြားပါဘူး။

Ram
Ram က iPhone 8 Plus မှာ 3 GB ထိပေးထားပြီး Galaxy Note 8 မှာတော့ 6 GB ထိရရှိမှာဖြစ်ပါတယ်။ ၂ လုံးစလုံးကတော့ သူ့ဒီဇိုင်းအတွက်သူတော့ လုံလောက်တဲ့ Processor တွေသုံးထားလို့ သိသိသာသာကြီး ကွာခြားမှာတော့ မဟုတ်ပါဘူး။ Ram လေးပဲ တစ်ဝက်လောက်ကွာပေမယ့် ၂ လုံးစလုံးကတော့ သူ့ဒီဇိုင်းအတွက်သူတော့ လုံလောက်တဲ့ Processor တွေသုံးထားလို့ Game တွေ App တွေဖွင့်ဖို့အတွက်တော့ သိသိသာသာကြီး ကွာခြားမှာတော့ မဟုတ်ပါဘူး။

Operating System
Operating System ကတော့ iPhone 8 Plus မှာ Apple ရဲ့ iOS v11 ဖြစ်ပြီး Galaxy Note 8 မှာ Android v7.1.1 (Nougat) ကို သုံးထားပါတယ်။

Display
iPhone 8 Plus မှာ IPS LCD ကိုသုံးထားပြီး 401 ppi ရှိပါတယ်။ Galaxy Note 8 မှာတော့ Super AMOLED ကိုသုံးထားပြီး 522 ppi ရှိပါတယ်။ Screen Resolution ကတော့ iPhone 8 Plus မှာ Full HD (1080 x 1920 pixels) အထိရရှိပြီး 3D Touch ကို support ပေးပါတယ်။ Galaxy Note 8 ကတော့ Resolution ပိုမြင့်ပြီး 1440 x 2960 pixels အထိရရှိပါတယ်။

Storage
Storage မှာ ဖုန်း ၂ မျိုးလုံးက 64/128/256 GB ကြိုက်နှစ်သက်ရာ ရွေးချယ်နိုင်ပါတယ်။ Galaxy Note 8 မှာတော့ Internal Memory အပြင် External Memory Card ကိုလည်း 256 GB အထိ support ပေးပါတယ်။

Charging
ဖုန်း ၂ မျိုးလုံးက Quick Charging ကို support ပေးပါတယ်။

Network and Sim Support
Sim Card ကတော့ iPhone တွေရဲ့ ထုံးစံအတိုင်း Dual Sim ကို support မပေးပါဘူး။ Galaxy Note 8 မှာကတော့ Dual Sim ရပါတယ်။ ဖုန်း ၂ မျိုးလုံး 4G support ပေးပြီး Nano Sim အရွယ်အစားကို အသုံးပြုရမှာဖြစ်ပါတယ်။

Sensors
ဖုန်း ၂ မျိုးလုံးမှာ Light sensor, Proximity sensor, Accelerometer, Barometer, Compass, Gyroscope နဲ့ Fingerprint Sensor ပါဝင်ပါတယ်။ iPhone 8 Plus မှာတော့ Fingerprint ကို အရှေ့ကနှိပ်ရမှာဖြစ်ပြီး Galaxy Note 8 မှာကတော့ အနောက်ကနေ နှိပ်ရမှာဖြစ်ပါတယ်။

Phone Body and Weight
iPhone 8 Plus မှာ အနောက်ဘက်ကို Aluminium ရယ် Mineral Glass ရယ်နဲ့ဖွဲ့စည်းထားပါတယ်။ အထူကတော့ iPhone 8 Plus မှာ 7.5 mm ဖြစ်ပြီး Galaxy Note 8 မှာ 8.6 mm ဖြစ်ပါတယ်။ ကွာခြားလွန်းတဲ့ ပမာဏတော့ မဟုတ်ပါဘူး။ အလေးချိန်ကတော့ iPhone 8 Plus မှာ 202 grams လေးပြီး Galaxy Note 8 မှာ 195 grams လေးပါတယ်။

Waterproof and Dust Proof
ဖုန်း ၂ လုံးစလုံး Dust Proof ဖြစ်ပြီး Water Resistant မှာတော့ Galaxy Note 8 က သာပါတယ်။ iPhone 8 Plus က IP67 ဖြစ်ပြီး Galaxy Note 8 က IP68 ဖြစ်ပါတယ်။ Galaxy Note 8 ရေအနက် ၁ မီတာခွဲမှာ နာရီဝက်အထိ ခံနိုင်ရည်ရှိပါတယ်။

Available Colors
ရရှိနိုင်တဲ့ အရောင်တွေကတော့ iPhone 8 Plus မှာ Gold, Red, Silver, Space Grey ဖြစ်ပြီး Galaxy Note 8 မှာတော့ Midnight Black, Maple Gold တို့ဖြစ်ပါတယ်။

Price
ဈေးနှုန်းကတော့ ဖုန်း ၂ မျိုးလုံး စစထွက်ချင်းမှာ ၁၂ သိန်းကနေ ၁၅ သိန်းအထိပေါက်ဈေးရှိပြီး လက်ရှိမှာတော့ နဂိုထက်လျော့နည်းတဲ့ဈေးနဲ့ ဝယ်ယူရရှိနိုင်မှာဖြစ်ပါတယ်။

Ref: Gadget Snow